" بیسویں قسط "
حضرت امام زین العابدین رضی اللہ کی مدح سرائی کرتے ہوئے فرزدق مزید آگے کہتا ہے .
كِلتَا يَدَيهِ غِيَاثٌ عَمّ نَفعُهَا .
تُستَوكَفَانِ وَلَايَعرُوهُمَا عَدَم ٌ.
ترجمة:
ان کے دونوں ہاتھ ایسے فریادرس اور بخشنے والے ہیں کہ ان کا نفع عام ہے، ان کے ہاتھوں سے مسلسل خیرات تقسیم کی جاتی ہے اس کے باوجود اس میں کوئی کمی نہیں آتی.
كِلتَا يَدَيهِ غِيَاثٌ عَمّ نَفعُهَا .
تركيب:
کلتا مضاف، یدی مضاف الیہ مضاف، ہ ضمیر مضاف الیہ، یدی مضاف الیہ مضاف اپنے مضاف الیہ سے مل کر مضاف الیہ ہوا کلتا مضاف کا، کلتا مضاف اپنے مضاف الیہ سے مل کر مبتداء، غیاث خبر اول.
عم فعل ماضی ، نفع مضاف، ھا ضمیر مضاف الیہ، مضاف اپنے مضاف الیہ سے مل کر عم کا فاعل، عم فعل اپنے فاعل سے مل کر جملہ فعلیہ خبریہ ہوکر خبر ثانی.
مبتداء اپنی دونو خبروں سے مل کر جملہ اسمیہ خبریہ ہوا.
تُستَوكَفَانِ وَلَايَعرُوهُمَا عَدَم ٌ.
تستوکفان فعل مضارع مجھول تثنیہ مؤنث غائب، اس میں ھما کی ضمیر پوشیدہ نائب فاعل، فعل اپنے نائب فاعل سے مل کر جملہ فعلیہ خبریہ ہوکر معطوف علیہ،
واو حرف عطف، لایعرو فعل مضارع منفی، ھما ضمیر مفعول بہ مقدم، عدم فاعل مؤخر.
لایعرو فعل مضارع منفی اپنے فاعل مؤخر اور مفعول مقدم سے مل کر جملہ فعلیہ خبریہ ہوکر معطوف. معطوف علیہ اپنے معطوف سے مل کر جملہ معطوفہ مستانفہ ہوا.
والله أعلم بالصواب.
( نوٹ ) اہل علم حضرات سے علمی شائستہ اسلوب میں اصلاح کی گزارش ہے.
اظھار احمد سعیدی ازہری جامعہ ازہر قاہرہ مصر، فیکیلٹی لغہ عربیہ شعبہ بلاغہ ونقد. 15 / 9 / 2017
