آؤ عربی جملوں کی ترکیب سیکھیں

" ساتویں قسط "

حضرت امام زین العابدین رضی اللہ عنہ کی شان میں فرزدق مزید آگے کہتاہے:

هذا ابنُ خَيرِ عِبادِ الله كُلّهِمُ،
هذا التّقيّ النّقيّ الطّاهِرُ العَلَمُ

ترجمة:

یہ تو اس ذات گرامی کے لخت جگرہیں جو اللہ کے تمام بندوں میں سب سے بہتر ہیں ( یعنی حضور صلی اللہ علیہ وسلم) یہ پرہیزگار، تقوی والے،پاکیزہ ،صاف ستھرے، اور قوم (قریش)  کے سردار ہیں.
ترکیب :

هذا ابنُ خَيرِ عِبادِ الله كُلّهِمُ .

ھذا اسم اشارہ مبتداء، ابن مضاف، خیر موصوف،  عباد مضاف، اللہ مضاف الیہ، مضاف مضاف الیہ سے مل کر مؤکد، کل مضاف، ھم ضمیر مضاف الیہ،  مضاف اپنے مضاف الیہ سےمل کر تاکید، مؤکد اپنی تاکید سے مل کر صفت ہوا خیر موصوف کی،  خیر موصوف اپنی صفت سے مل کر مضاف الیہ ہوا ابن مضاف کا،  ابن مضاف اپنے مضاف الیہ سے مل کر مشار الیہ خبرہوا، اسم اشارہ مبتداء اپنے مشار الیہ خبرسے مل کر جملہ اسمیہ خبریہ ہوا. 

هذا التّقيّ النّقيّ الطّاهِرُ العَلَمُ .

ھذا اسم اشارہ مبتداء، التقي خبرأول، النقي خبر ثاني، الطاهر خبر ثالث، العلم خبر رابع. اسم اشارہ مبتداء اپنی چارو مشارالیہ خبرسے مل کر جملہ اسمیہ خبریہ ہوا.

لیکن نحوی قاعدے کے اعتبار سے خبر جب معرفہ واقع ہوتو ضروری ہے کہ مبتدا اور خبر کے درمیان ضمیر فصل لائی جائے اس قاعدے کی روسے عبارت یوں ہوگی:

هذا ھو التّقيّ النّقيّ الطّاهِرُ العَلَمُ .

اب کی ترکیب یہ ہوگی:  ھذا اسم اشارہ مبتداء اول ، ھو مبتدا ثانی.  اور نقی تقی طاھر علم یہ چارو خبر بنیں گی مبتدا ثانی ھو کی. 

ھو اپنی چارو خبروں سے مل کر جملہ اسمیہ خبریہ ہوکر پھر خبر بن جائے گا ھذا اسم اشارہ مبتداء کی،  ھذا اسم اشارہ مبتداء اپنی خبر سے مل کر جملہ اسمیہ خبریہ بنے گا.

لہذا پہلی اور دوسری دونوں ترکیبیں کی جاسکتی ہیں  

پہلی ترکیب پہ دلیل حدیث پاک ہے رسول اللہ صلی اللہ علیہ وسلم ارشاد فرماتے ہیں:  الدين النصيحة.  

اس حدیث پاک میں الدین مبتداء اور النصیحة  خبرہے.  خبر معرفہ ہے لیکن مبتداء اور خبر کے درمیان کو ئی ضمیر فصل نہیں لائی گئی ہے.

اس لیئے حدیث رسول اللہ اور قاعدہ نحوی کی رعایت کرتے ہوئے دونوں ترکیبیں جائزہیں.

والله أعلم بالصواب.

ہماری ترکیب پر لکھی ہوئی سبھی تحریر پڑھنے کے لیئے نیچے لنک پر کلک کریں۔

👇👇👇👇

ٓٓآسان ترکیب اور مہارت

آپ ترکیب نحوی کیسے کریں؟

عربی عبارت کی ترکیب

ترجمہ اور ترکیب سیکھیں

نحوی ترکیب اردو

الإعراب النحوي نحوی ترکیب

آؤ عربی جملوں کی ترکیب سیکھیں  " اگیا رہویں قسط "

عربی اشعار کی آسان نحوی ترکیب 

اردو ترجمہ کے ساتھ نحوی ترکیب سیکھیں 

عربی جملوں کی آسان ترکیب کرنا سیکھیں 

عربی اشعار کی بلاغی ترکیب 

( نوٹ ) اہل علم حضرات سے علمی شائستہ اسلوب میں اصلاح کی گزارش ہے.

اظھار احمد سعیدی ازہری